Taflfélag Snæfellsbæjar

Í dag fengum við góða gesti frá Taflfélagi Snæfellsbæjar sem heimsóttu nemendur í 5. - 10. bekk og sögðu frá því að félagið sé komið með svæði inn chess.com. Þar er hægt að skrá sig inn sér að kostnaðarlausu, leysa skákþrautir og tefla við jafningja víðs vegar um heiminn. Þar er líka hægt að ganga til liðs við Taflfélagið og taka þátt í reglulegum mótum í gegnum chess.com. Fyrsta mótið verður haldið sunnudaginn 26. janúar kl. 13:00, á afmælisdegi Friðriks Ólafssonar, fyrsta stórmeistara Íslendinga.