Starrhótel, nýtt hótel á Hellissandi,

Nemendur 8.bekkjar hafa unnið að því verkefni í vetur að smíða og mála fuglahús.

Hörður Rafnsson smíðakennari fékk þessa bráðsnjöllu hugmynd í haust og hlaut hún góðan hljómgrunn hjá Hilmari skólastjóra og Vagni húsverði sem hafa aðstoðað við verkefnið með ýmsum hætti. 

Afrakstur vinnunnar var settur upp í morgun og nú er bara að sjá hvort einhverjir smáfuglar nýta sér aðstöðuna. Vigfús Bjarnason setti upp öflugan staur sem búið er að hengja húsin á. Vigfús tók myndina sem sýnir hótelið úr lofti en á annarri myndinni má sjá þá nemendur 8.bekkjar sem eru í smíðalotu þessa dagana, ásamt Herði smíðakennara.