Skautaferð

Nemendur í 5. og 6. bekk nutu sín í skautaferð við flugvöllinn á Rifi í vikunni. Veðrið lék við hópinn, logn en kalt sem eru fullkomnar aðstæður.

Margir nemendur skelltu sér á skauta og sýndu ýmis tilþrif á ísnum, á meðan aðrir skemmtu sér konunglega á skónum sínum. Það var mikil gleði og góð stemning meðal barnanna sem voru til fyrirmyndar.

Ferð eins og þessi er mikilvægur hluti af skólastarfinu, þar sem hún sameinar hreyfingu, útiveru og félagslega tengingu.