Orð af orði - Orðaforði
Mánudaginn 25. september er skipulagsdagur í skólanum. Starfsfólk skólans og kennarar í Grunnskóla Grundarfjarðar verða þá á námskeiði að kynna sér hugmyndafræði kennsluaðferðar sem nefnist Orð af orði.
Meginmarkmið Orðs af orði er að efla orðaforða, lesskilning og námsárangur nemenda í grunnskóla. Það er gert með því að efla málumhverfið í skólanum, kenna nemendum markvissar aðferðir til að sundurgreina texta og orð, greina merkingu hugtaka, tengja saman lykilatriði, kortleggja aðalatriði og endurbirta námsefni og orð á fjölbreyttan hátt. Áhersla er lögð á samvinnu og samvirkar kennsluaðferðir.
Kennarar læra aðferðir og kenna nemendum þær stig af stigi, þróa í takt við aðstæður, allt þar til nemendur geta notað aðferðirnar sjálfstætt. Gert er ráð fyrir að aðferðirnar verði notaðar í tengslum við nám og námsefni í „bóklegum“ greinum.
Frekari lýsingu á faglegum grunni verkefnis er að finna á www.hagurbal.weebly.com
![](https://static.wixstatic.com/media/78b0ab_0068a626fba9429e8c93bd9b0d642569~mv2.webp/v1/fill/w_140,h_73,al_c,q_80,usm_0.66_1.00_0.01,blur_2,enc_auto/78b0ab_0068a626fba9429e8c93bd9b0d642569~mv2.webp)