Hvað leynist inni í jökli? – Ferðin að miðju jarðar og Framtíðarblóm
Þriðji og sjötti bekkur hafa í vetur tekið þátt í verkefninu Ísabrot – jöklar í íslenskri myndlist í samvinnu við Listasafn Íslands. Alls tóku átta skólar þátt í verkefninu sem lauk með sýningu þriðja bekkjar í Safnahúsinu í Reykjavík á Barnamenningarhátíð og í sjötta bekkjar í Þjóðgarðsmiðstöðinni. Myndlistarkonan og rithöfundurinn Linda Ólafsdóttir og Ingibjörg Hannesdóttir sérfræðingur í fræðslu og miðlun hjá listasafninu voru með listasmiðjuna Hvað leynist inni í jökli? í gegnum netið. Listasmiðjan sótti innblástsur í sagnir tengdar Snæfellsjökli ásamt því að nemendur fengu kennslu í Sjónarafli, fræðsluefni og þjálfun í myndlæsi. Það verkefni hlaut tilnefningu til Íslensku Safnaverðlaunanna 2024. Nemendur þriðja bekkjar fóru síðan í heimsókn í Safnahúsið, skoðuðu sýninguna sína og fengu leiðsögn um sa
Ásamt sýningu sjötta bekkjar í Þjóðgarðsmiðstöðinni sýnir þriðji bekkur afrakstur þar sem unnið var með sögu franska rithöfundarins Jules Verne, Ferðin að miðju jarðar þar sem sögupersónurnar ferðast að miðju jarðar í gegnum Snæfellsjökull.
Nemendur úr öðrum og fjórða bekk tóku þátt í verkefni sem heitir Framtíðarblóm og var sýnt í Grasagarði Reykjavíkur á Barnamenningarhátíð. Markmið verkefnisins var að vekja áhuga nemenda á náttúrunni og undrum hennar. Að efla með nemendum vitund og virðingu fyrir umhverfinu og efla samvinnu og samkennd með samborgurum og lífi á jörðinni. Nemendur fræddust um plöntur, lífbreytileiki og vistkerfi og veltu fyrir sér hvernig plöntur gætu litið út í framtíðinni og hvaða eiginleika þau vildu að plönturnar byggju yfir.
![](https://static.wixstatic.com/media/78b0ab_39dd085ea8e040eea731bfeec3c36725~mv2.jpeg/v1/fill/w_147,h_137,al_c,q_80,usm_0.66_1.00_0.01,blur_2,enc_auto/78b0ab_39dd085ea8e040eea731bfeec3c36725~mv2.jpeg)
![](https://static.wixstatic.com/media/78b0ab_3e74b1f5b1ec443f81abc9d5eb00cb28~mv2.jpg/v1/fill/w_147,h_147,al_c,q_80,usm_0.66_1.00_0.01,blur_2,enc_auto/78b0ab_3e74b1f5b1ec443f81abc9d5eb00cb28~mv2.jpg)
![](https://static.wixstatic.com/media/78b0ab_e1e07b06fd90490a97c180605f275c32~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/78b0ab_e1e07b06fd90490a97c180605f275c32~mv2.jpg)
![](https://static.wixstatic.com/media/78b0ab_da917f1b99e742b499d4e7aaf07ad659~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/78b0ab_da917f1b99e742b499d4e7aaf07ad659~mv2.jpg)