Samráðsfundur nefnda og ráða G.Snb.
![](https://static.wixstatic.com/media/78b0ab_a842f2818fd8400bb121d96c41d1ff6e~mv2_d_4032_1960_s_2.jpg/v1/fill/w_147,h_71,al_c,q_80,usm_0.66_1.00_0.01,blur_2,enc_auto/78b0ab_a842f2818fd8400bb121d96c41d1ff6e~mv2_d_4032_1960_s_2.jpg)
Þriðjudaginn 26.11. 2019 var haldinn samráðsfundur nefnda og ráða sem starfa að hagsmunum G.Snb. Þeir sem voru boðaðir á fundinn voru stjórnunarteymi skólans, stjórnir nemendaráðanna, stjórnir foreldrafélaganna, skólaráð skólans og fræðslunefnd eða 40 manns. Fundurinn var haldinn í fundarsal Hótel Búða, Bárðarstofu. Tilgangur fundarins var að kynna stefnu og stöðu skólans, að nefndarfólk kynnist, fá umræður og hlusta eftir mismunandi sjónarmiðum nefndafólks. Á fundinum kynnti skólastjóri starfsáætlun og skólanámskrá skólans. Þessi plögg eru stefnumarkandi fyrir skólann, þar eru tíundaðar helstu verklagsreglur og stefnur í flestu því sem snýr að skólastarfinu. Jafnframt fór hann yfir helstu niðurstöður sjálfsmatsskýrslu síðasta skólaárs. Síðan var boðið upp á dýrindis veitingar. Eftir kaffihlé var rætt um skólaþingið sem var haldið á síðasta skólaári. Búið er að velja skólanum ný einkunnarorð en eftir er að endurskoða stefnu eða sýn skólans og skólareglur. Ákveðið var að funda aftur í febrúar en skipa millifundanefnd sem legði línur fyrir febrúarfundinn. Almenn ánægja var meðal fundarmanna með fundinn og veitingarnar.