Dagur íslenskrar tungu 16. nóvember
![](https://static.wixstatic.com/media/78b0ab_1e0180e3eea248a99fadbe1dc5fe5808~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/78b0ab_1e0180e3eea248a99fadbe1dc5fe5808~mv2.jpg)
Nemendur Grunnskóla Snæfellsbæjar í 1. – 4. bekk héldu Dag íslenskrar tungu hátíðlegan að venju. Samkoma var á sal á Hellissandi, nemendur sungu íslensk lög og tilkynnt var um úrslit í smásagnasamkeppni bekkjanna en nemendur 4. bekkjar sáu um að kynna dagskrána. Eftirfarandi nemendur unnu til verðlauna fyrir sögur sínar: Arna Eir Örvarsdóttir í 1. bekk, Hrefna Jónsdóttir í 2.bekk, Ragna Egilsdóttir í 3. bekk og Antoni Marcel Swielek í 4. bekk og hlutu þau öll bækur eftir íslenska höfunda í verðlaun. Lásu þau sögurnar sínar fyrir viðstadda. Allir þátttakendur í sögusamkeppninni fengu viðurkenningarskjöl. Þessi hátíð er árlegur viðburður og mikilvægur hlutur í skólastarfinu.