Hringekja í 3.-4. bekk
![](https://static.wixstatic.com/media/78b0ab_6a736cc6790d4ebeae450b78bb387e21~mv2.jpg/v1/fill/w_144,h_108,al_c,q_80,usm_0.66_1.00_0.01,blur_2,enc_auto/78b0ab_6a736cc6790d4ebeae450b78bb387e21~mv2.jpg)
Við höfum verið að vinna með átthagafræði í hringekju í 3-4.bekk. Í síðustu tímum höfum við meðal annars unnið með minnismerkið "Beðið í von" eftir Grím Marínó Steindórsson. Við fórum í sögu minnismerkisins og við það vöknuðu margvíslegar spurningar, meðal annars mun á bátum við sjósókn fyrr á öldum miðað við skipakost í dag. Hvenær var farið að nota björgunarvesti og annan björgunarútbúnað við sjósókn og einnig var spáð í hvernig sundkunnáttu sjómanna var fyrr á tímum. Síðan notuðum við tækifærið þegar við fórum til baka að skoða listaverkin sem eru að spretta upp þessa dagana.