Rúmfræðiform í umhverfinu okkar
![](https://static.wixstatic.com/media/78b0ab_4343016bf5c248ff938625c07b145b9e~mv2.jpg/v1/fill/w_144,h_108,al_c,q_80,usm_0.66_1.00_0.01,blur_2,enc_auto/78b0ab_4343016bf5c248ff938625c07b145b9e~mv2.jpg)
Á mánudaginn ákváðum við í 2. bekk að sameina íþróttatímann og stærðfræðitímann og skella okkur í gönguferð og skoða rúmfræðiform í umhverfi okkar. Við höfum verið að læra um rúmfræðiform svo það var tilvalið að nýta góða veðrið í það. Við gengum að Hvíta húsinu við Krossavík og að gömlu bryggjunni. Á leiðinni fundum við fullt af rusli sem við drösluðum með okkur til baka og langar krökkunum að koma því á framfæri að það þyrfti að vera ruslatunna hjá bekknum við Hvíta húsið.