Reiðhjólahjálmar

Miðvikudaginn 19. apríl fengum við góða heimsókn þegar Guðbjörn kom frá Kiwanishreyfingunni og afhenti öllum nemendum 1. bekkjar reiðhjólahjálma að gjöf frá Kiwanis, Eimskip og Sjóvá. Þessi frábæra heimsókn og góða gjöf er í samræmi við áherslur sem eru í hringekju hjá okkur fram á vor en þar er farið yfir umferðina, umferðarreglur, hjól, hjólreiðar og hvaða mikilvægu hlutir þarf að hafa á hjóli og höfði þegar við hjólum. Hjálmurinn kemur því vonandi að góðum notum og hjálpar við að vernda höfuðin okkar á hjólinu/hjólabrettinu eða línuskautunum.