Nemendur 1.-4. bekkjar syngja saman á sal skólans á föstudögum. Í dag fengum við leynigest til okkar en það var Ómar Hall fyrrverandi nemandi skólans sem kom og söng tvö lög eftir Pál Óskar og gerði það með stæl. Ómar talaði fallega til krakkanna og sagði þeim að hann saknaði gamla skólans. Takk fyrir heimsóknina Ómar og gangi þér vel!

Haustfrí verður í skólanum dagana 29. - 30. okt. Mánudaginn 2. nóv. er starfsdagur. Njótið ykkar í haustfríinu, slappið vel af, komið endurnærð, hress og kát í skólann þriðjudaginn 3. nóv. Bestu kveðjur frá starfsfólki Gsnb

Í gær var haldið upp á bleika daginn hjá okkur í GSnb til að sýna samstöðu og stuðning við þá sem hafa greinst með krabbamein. Nemendur og starfsfólk tók þátt í deginum með því að mæta í bleiku.

Fimmtudaginn 8. október var opnuð sýning nemenda 4. bekkjar úr Grunnskóla Snæfellsbæjar í þjóðgarðsmiðstöðinni sem ber heitið „Hvað býr í fjörunni?“ og er hluti af Barnamenningarhátíð Vesturlands. Unnið var með lífríki fjörunnar en í Gsnb er mikið unnið með nærumhverfi nemenda og það nýtt sem viðfangsefni og uppspretta hugmynda. Nemendur byrjuðu á að skoða lífríki fjörunnar í Krossavík og fengu fræðslu frá landverði Snæfellsjökulsþjóðgarðsins um hvernig hægt væri að greina og

Í síðustu viku var danssýning allra aldursstiga í íþróttahúsinu þar sem gestum var boðið að sjá afrakstur danskennslu Jóns Péturs Úlfljótssonar í skólanum. Jón Pétur var búinn að vera í heimsókn hjá okkur í nokkur skipti í fjórar vikur og gaman að sjá hve vel tókst til.

Í byrjun september fór 7. bekkur í Reykjaferð þar sem nemendur áttu frábærar stundir og nutu sín í botn. Skipulag búðanna var mjög gott og dagskráin fjölbreytt, þannig að allir gátu fundið eitthvað við sitt hæfi. Nemendur tóku þátt í ýmis konar afþreyingu, meðal annars útivist, nutu heitu náttúrulaugarinnar, tóku þátt í sundlaugarpartýi, tískukeppni og diskói, svo eitthvað sé nefnt. Nokkrir nemendur tóku þátt í tískukeppninni og sérstaklega gaman er að segja frá því að Hinrik